தமிழ்நாட்டில் தேசிய உணவுப் பாதுகாப்புச் சட்டம் 2013-ஐ நடைமுறைப்படுத்தி, அனைவருக்கும் உணவு பாதுகாப்பினை உறுதிசெய்வதில் பொதுவிநியோகத் திட்டம் முக்கிய பங்காற்றுகிறது. தமிழகத்தில் அனைவருக்குமான பொது விநியோகத் திட்டத்தினை செயல்படுத்துவதில் கூட்டுறவு நிறுவனங்கள் பெரும் பங்காற்றி வருகின்றன. நியாயவிலைக்கடைகளுடன் பரவலான விநியோக தொடரமைப்பை கூட்டுறவுகள் கொண்டுள்ளன மற்றும் 31.12.2022 நாளது வரையில் பெரும்பான்மையான நியாயவிலைக் கடைகளை அதாவது 33,609 நியாயவிலைக் கடைகள் கூட்டுறவுத்துறையின் கட்டுப்பாட்டில் உள்ளன. அதன் விவரம் கீழ்க்கண்டவாறு:
| வ.எண். | கூட்டுறவுச் சங்கங்களின் வகைகள் | நியாய விலைக்கடைகளின் எண்ணிக்கை(31.12.2022) |
|---|---|---|
| 1 | மாவட்ட நுகர்வோர் கூட்டுறவு மொத்த விற்பனை பண்டகசாலை | 3,451 |
| 2 | கூட்டுறவு விற்பனைச் சங்கம் | 2,578 |
| 3 | பிரதம கூட்டுறவு பண்டகசாலை | 1,706 |
| 4 | தொடக்க வேளாண்மை கூட்டுறவு கடன் சங்கம் | 24,609 |
| 5 | நகர கூட்டுறவு கடன் சங்கம் | 966 |
| 6 | பெரும்பலநோக்கு கூட்டுறவு சங்கம் | 248 |
| 7 | இதர வகை கூட்டுறவு சங்கம் | 51 |
| Total | 33609 |
அரிசி, சர்க்கரை மற்றும் கோதுமை ஆகிய அத்தியாவசிய உணவுப் பொருட்களை குடும்ப அட்டைதாரர்களுக்கு விநியோகிக்க ஏதுவாக, 33,609 நியாயவிலைக்கடைகளை நடத்துவதுடன், அத்தியாவசிய எரிபொருளான மண்ணெண்ணெயை குடும்ப அட்டைதாரர்களுக்கு வழங்க ஏதுவாக, பிரத்யேகமாக 244 மண்ணெண்ணெய் வழங்கு நிலையங்களையும் கூட்டுறவுச் சங்கங்கள் நடத்தி வருகின்றன. மேலும், சிறப்பு பொதுவிநியோகத்திட்ட பொருட்களான துவரம் பருப்பு, பாமாயில் ஆகியவையும், நியாயவிலைக் கடைகள் மூலம் தமிழக அரசால் வழங்கப்படும் மானிய விலையில் விற்பனை செய்யப்படுகின்றன. கட்டுப்பாடற்ற பொருட்களான ஊட்டி தேயிலை, அரசு உப்பு, பனை வெல்லம் மற்றும் சிறுதானியங்கள்(கேழ்வரகு, கம்பு, தினை, குதிரைவாலி, சாமை மற்றும் வரகு) போன்றவையும் நியாயமான விலையில் நியாயவிலைக்கடைகளில் விற்பனை செய்யப்பட்டு வருகின்றன.
| வ.எண். | குடும்ப அட்டைகளின் வகை | குடும்ப அட்டைகளின் எண்ணிக்கை | தகுதியுள்ள பொருட்கள் |
|---|---|---|---|
| 1 | அரிசி குடும்ப அட்டைகள் | 1,81,78,735 | அனைத்து பொருட்களும் |
| 2 | அந்தியோதயா அன்னயோஜனா(AAY)திட்ட குடும்ப அட்டைகள் | 17,72,799 | அனைத்து பொருட்களும் |
| 3 | முதியோர் ஓய்வூதிய அட்டை(OAP) | 3,44,081 | அனைத்து பொருட்களும் |
| 4 | அன்னபூர்ணா அட்டை(ANP) | 6,280 | அனைத்து பொருட்களும் |
| 5 | சர்க்கரை விருப்ப குடும்ப அட்டைகள் | 3,34,005 | அரிசி மற்றும் கோதுமை தவிர்த்து அனைத்து பொருட்களும் |
| 6 | காவலர் மற்றும் வன குடும்பஅட்டைகள் | 57,680 | அனைத்து பொருட்களும் |
| 7 | கௌரவ குடும்ப அட்டைகள் | 53,210 | எந்தப் பொருட்களும் இல்லை |
| மொத்த குடும்ப அட்டைகள் | 20746790 |
அரிசி, கோதுமை, சர்க்கரை, மண்ணெண்ணெய்.
துவரம்பருப்பு, பாமாயில்
| வ.எண். | பொருளின் பெயர் | வழங்கீட்டு அளவு | விலை / கிலோ மற்றும் அமலுக்கு வந்த தேதி |
|---|---|---|---|
| 1 | அரிசி | NPHH- குடும்ப அட்டைதாரர்களுக்கு உச்ச வரம்பு 20 கிலோ ஒரு நபர் – 12 கிகி 2 நபர் – 16 கிகி 3 நபர் – 20 கிகி 4 நபர் – 20 கிகி 4 நபருக்கு மேல், ஒவ்வொரு நபருக்கும் கூடுதலாக தலா 5 கிகி ஒவ்வொரு கூடுதல் உறுப்பினருக்கும் 5கிலோ (சிறியவர் உட்பட) *உச்சவரம்பு இல்லை 1.06.2011 முதல் விலையில்லா அரிசி வழங்கப்படுகிறது. | விலையில்லை (அரசாணை (நிலை) எண் 45, கூட்டுறவு, உணவு மற்றும் நுகர்வோர் பாதுகாப்புத் (டி1) துறை, நாள்: 17.05.2011 |
| 2 | கோது சென்னை நகர் பகுதி, சென்னை புறநகர் பகுதி மற்றும் மாவட்ட தலைமை இடங்கள் மற்ற பகுதிகள். |
10 கிலோ 02.02.2017 முதல் தேதியிலிருந்து விலையில்லா கோதுமை வழங்கப்படுகிறது./மற்ற பகுதிகள் 5 கிலோ. | விலையில்லை (அரசாணை (நிலை) எண் 16, கூட்டுறவு, உணவு மற்றும் நுகர்வோர் பாதுகாப்புத் (டி1) துறை, நாள்: 02.02.2017 |
| 3 | சர்க்கரை (அரிசி பெறும் குடும்ப அட்டைகள்) சர்க்கரை அட்டை |
ஒரு மாதத்திற்கு நபர் ஒன்றுக்கு 500 கிராம் முதல் அதிகபட்சம் 2 கிலோ வரை / சர்க்கரை அட்டை -2 அலகு – 1 +3 = 4 கிலோ 3 அலகு – 1.5+ 3 = 4.5 கிலோ 4 அலகு மற்றும் அதற்கு மேல் – 2+3=5 கிலோ (அதிகபட்சம்) | 01.11.2017 முதல் ரூ.25 AAY-குடும்ப அட்டைதாரர்களுக்கு Rs:13.50 / சர்க்கரை அட்டை - ரூ.25.00 (01.11.2017 முதல்) |
| 4 | மண்ணெண்ணெய் சென்னை மற்றும் பிற பகுதிகள் | இடம் மற்றும் எரிவாயு உருளை (Cylinder) இருப்பைப் பொறுத்து 3லிருந்து 15 லிட்டர் வரை விநியோகம் செய்யப்படுகிறது. 2 எரிவாயு உருளை – இல்லை 1 எரிவாயு உருளை – 3 லிட்டர் எரிவாயு உருளை இல்லாதாருக்கு -15லிட்டர்-(நகர்ப்புறங்களுக்கு) -10லிட்டர்-(கிராமப்புறங்களுக்கு) | ரூ.15.00 - ரூ. 16.50 (04.09.2020 முதல் மாவட்ட ஆட்சித்தலைவர் அவர்களால் நிர்ணயம் செய்யப்படுகிறது.) |
| 5 | துவரம்பருப்பு * | ஒரு குடும்ப அட்டைக்கு 1 கிலோ | ரூ.30.00 (01.02.2011 முதல்) |
| 6 | பாமோலின் | பாமோலின் | ரூ.25/- (01.02.2011 முதல்) |
| 7 | OAP | ஒரு குடும்ப அட்டைக்கு 4 கிலோ அரிசி | விலை இல்லை |
| 8 | ANP | ஒரு குடும்ப அட்டைக்கு 10 கிலோ அரிசி | விலை இல்லை |
| 9 | AAY | ஒரு குடும்ப அட்டைக்கு 35 கிலோ அரிசி | விலை இல்லை |
*:-சிறப்பு பொதுவிநியோகத் திட்டப் பொருட்களான துவரம்பருப்பு மற்றும் பாமாயில் ஆகியவை நியாயவிலைக் கடைகளின் மூலம் குடும்ப அட்டைதாரர்களுக்கு வழங்க அக்டோபர் 2022 முதல் மார்ச் 2023 வரை கால நீட்டிப்பு வழங்கி அரசாணை (நிலை) எண் 123, கூட்டுறவு, உணவு மற்றும் நுகர்வோர் பாதுகாப்புத் (எஃப்1) துறை, நாள்: 15.11.2022-இன்படி அரசு ஆணையிட்டுள்ளது.
| வ. எண். | பொருளின் பெயர் | வழங்கீட்டு அளவு | குறிப்பு |
|---|---|---|---|
| 1 | அரிசி | இலவசம் | 01.06.2011 இலிருந்து |
| 2 | கோதுமை | இலவசம் | 02.02.2017 இலிருந்து |
| 3 | சர்க்கரை | PHH AAY அட்டைகளுக்கு கிலோ ஒன்றுக்கு ரூ.25.00 ரூ.13.50 | 01.11.2017 இலிருந்து |
| 4 | மண்ணெண்ணெய் | கலெக்டர் நிர்ணயித்தபடி ரூ.15.00 முதல் ரூ.16.50 வரை | 04.09.2020 இலிருந்து |
| 5 | டர்தல் | கிலோவுக்கு ரூ.30.00 | 01.02.2011 இலிருந்து |
| 6 | பாமோலின் | லிட்டருக்கு ரூ.25.00 | 01.02.2011 இலிருந்து |
மலைவாழ் மக்கள் மற்றும் எளிதில் அணுக இயலாத பகுதியில் வாழும் மக்களின் நலன் கருதியும், அவர்கள் வாழும் இடத்திற்கே அத்தியாவசியப் பொருட்களை வழங்கும் நோக்கத்துடன் 57 நடமாடும் நியாயவிலைக் கடைகள் செயல்படுத்தப்பட்டு வருகின்றன. 57 நகரும் நியாயவிலைக் கடைகள் மூலம் 307 கிராமங்களிலுள்ள 18,642 குடும்ப அட்டைதாரர்களுக்கு அத்தியாவசியப் பொருட்கள் விநியோகம் செய்யப்பட்டு வருகிறது.
மாண்புமிகு முதலமைச்சர் அவர்கள் சட்டமன்றப் பேரவை விதி எண் 110-ன் கீழ், 3,501 அம்மா நகரும் நியாயவிலைக் கடைகள், ரூ.9.66 கோடி மதிப்பீட்டில் துவக்கப்படும் என்று அறிவித்ததையடுத்து, மொத்தம் 3501 அம்மா நகரும் நியாயவிலைக் கடைகள் துவக்கப்பட்டு செயல்பட்டு வருகின்றன.
தற்பொழுது செப்டம்பர் 2017 முதல் அனைத்து நியாய விலைக்கடைகளிலும், தேங்கியுள்ள சணல் மற்றும் பாலிதீன் காலிக்கோணிகள், சம்பந்தப்பட்ட முதன்மை சங்கங்களில் சேகரிக்கப்பட்டு, காலிக்கோணி விவரங்கள் மத்திய அரசு நிறுவனமான MSTCவலைப்பக்கத்தில் (Portal) பதிவேற்றம் செய்து, வெளிப்படைத்தன்மையுடன், MSTC நிறுவன மின்னணு ஏலப் பணித்தளத்தின் மூலம் (e-auction Platform) ஏலம் விடும் நடைமுறை நடைமுறைப்படுத்தி செயல்படுத்தப்பட்டு வருகிறது. இந்நடைமுறையால் காலிக்கோணிகள் அதிக அளவு சங்கங்களில் சேகரமாகி தேங்கியில்லாமல் விற்பனை செய்யப்படுவதுடன், கூட்டுறவு சங்கங்களுக்கு அதிக வருவாய் கிடைக்கப்பெறுகிறது. செப்டம்பர் 2017 முதல் டிசம்பர் 2022 வரை 31,03,02,510 காலிக்கோணிகள் விற்பனை செய்யப்பட்டுள்ளன.
| வ.எண். | வருடம் | விற்பனை செய்யப்பட்டகாலிக்கோணிகளின் எண்ணிக்கை | விற்பனை தொகை |
|---|---|---|---|
| 1 | 2017-18 | 5,41,33,182 | 46,26,88,352 |
| 2 | 2018-19 | 5,77,61,132 | 82,77,86,835 |
| 3 | 2019-20 | 5,91,57,311 | 88,33,82,571 |
| 4 | 2020-21 | 7,44,99,454 | 1,34,02,83,900 |
| 5 | 2021-22 | 302,01,527 | 67,90,27,921 |
| 6 | 2022-23 (upto 31.12.2022) | 2,44,86,284 | 45,81,66,339 |
சிறு தேயிலை விவசாயிகளின் சமுதாய பொருளாதார நிலையை மேம்படுத்தும் பொருட்டு, இண்ட்கோசர்வ் (INDCOSERVE - The Tamilnadu Small Tea Growers’ Industrial Cooperative Tea Factories’ Federation Ltd.,) நிறுவனம் 1965-இல் அரசால் நிறுவப்பட்டது. இது தொழில் மற்றும் வர்த்தகத் துறையின் கீழ் செயல்பட்டு வருகிறது.
சிறு தேயிலை விவசாயிகளின் துயர் துடைக்கும் பொருட்டு இண்ட்கோசர்வ் (INDCOSERVE - The Tamilnadu Small Tea Growers’ Industrial Cooperative Tea Factories’ Federation Ltd.,) நிறுவனத்திடமிருந்து ஊட்டி தேயிலை கொள்முதல் செய்யப்படுகிறது மற்றும் 2001 முதல் பொதுவிநியோகத் திட்டத்தின் கீழ், கூட்டுறவு நியாய விலைக் கடைகள் மூலம் விற்பனை செய்யப்பட்டு வருகின்றன
தமிழ்நாடு நுகர்பொருள் வாணிபக் கழகம் மற்றும் கூட்டுறவுத்துறை மூலம் பிளெண்டெட் தேயிலை (blended tea) ஊட்டி டீ என்ற பெயரில் இண்ட்கோசர்வ் வழங்கி வருகிறது.
| வ.எண். | வருடம் | கூட்டுறவுத்துறை மூலம் விற்பனை செய்யப்பட்ட ஊட்டி டீ அளவு (மெ.டன்னில்) | விற்பனை தொகை (ரூபாய் இலட்சத்தில்) |
|---|---|---|---|
| 1 | 2017-18 | 2375 | 4512.50 |
| 2 | 2018-19 | 2475 | 4702.70 |
| 3 | 2019-20 | 2392 | 4545.71 |
| 4 | 2020-21 | 2,091 | 4,357.63 |
| 5 | 2021-22 | 2,046 | 4,501.20 |
| 6 | 2022-23 (upto 31.12.2022) | 1,823 | 4,010.60 |
சந்தை மற்றும் கூட்டுறவுத்துறையின் மூலம் அயோடின் கலந்த உப்பு மற்றும் இரட்டைச் செறிவூட்டப்பட்ட உப்பு(அயோடின் மற்றும் இரும்புச் சத்து) விற்பனை செய்வதன் மூலம் அயோடின் மற்றும் இரும்புச் சத்து பற்றாக் குறைபாடுகளால் ஏற்படும் நோய்களை நீக்குவதில் தமிழ்நாடு உப்பு நிறுவனம் பெரும் பங்கு வகிக்கிறது.
கூட்டுறவுத்துறையின் கட்டுப்பாட்டிலுள்ள நியாயவிலைக் கடைகள் மூலம் அரசு உப்பு குறைந்த விலையில் விற்பனை செய்வதன் மூலம் அயோடின் மற்றும் இரும்புச் சத்து குறைபாட்டினால் ஏற்படும் நோய்களை எதிர்த்துப் போராட உதவுகிறது.
பொதுவிநியோகத் திட்டத்தின் மூலம் விற்பனை செய்யப்படும் பல்வேறு வகையான அம்மா உப்புகளின் விவரம் பின்வருமாறு
| வ.எண் | அரசு உப்புகளின் வகைகள் |
|---|---|
| 1 | அயோடின் கலந்த கல் உப்பு (1 கி.கி.) |
| 2 | அயோடின் கலந்த கல் உப்பு (1/2 கி.கி.) |
| 3 | சுத்திகரிக்கப்பட்ட அயோடின் கலந்த உப்பு |
| 4 | இரட்டைச் செறிவூட்டப்பட்ட உப்பு (அயோடின் மற்றும் இரும்புச் சத்து) |
| 5 | குறைந்த சோடியம் கலந்த உப்பு |
15,942 மெ.டன் அரசு உப்பு 2022-2023 ஆம் ஆண்டில் டிசம்பர் 2022 வரை நியாயவிலைக் கடைகளின் மூலம் விற்பனை செய்யப்பட்டுள்ளது.
| வ.எண். | வருடம் | கூட்டுறவுத்துறை மூலம் விற்பனை செய்யப்பட்ட அரசு உப்பின் அளவு (மெ.டன்னில்) |
|---|---|---|
| 1 | 2017-18 | 26399 |
| 2 | 2018-19 | 26420 |
| 3 | 2019-20 | 23930 |
| 4 | 2020-21 | 18434 |
| 5 | 2021-22 | 15,474 |
| 6 | 2022-23 (upto 31.12.2022) | 15,942 |
பனை பொருட்களின் விற்பனையை ஊக்குவிக்கும் நோக்கில்,2021-22 வேளாண் துறைக்கான பட்ஜெட் அறிவிப்பின்போது வெளியிடப்பட்ட அறிவிப்பினை தொடர்ந்து, காதி மற்றும் கிராமத் தொழில்கள் வாரியத்தால் கொள்முதல் செய்யப்படும் பனை வெல்லம், கற்பகம் என்னும் பிராண்ட் பெயரில் கூட்டுறவு சங்கங்களால் நடத்தப்படும் தேர்ந்தெடுக்கப்பட்ட நியாய விலைக் கடைகள் மூலம் அக்டோபர் 2021 முதல் விற்பனை செய்யப்படுகிறது.
| வருடம் | விற்பனை தொகை (ரூபாய் இலட்சத்தில்) |
|---|---|
| 2021-22 | 37.81 |
| 2022-23 (31.12.2022 வரை) | 59.26 |
2021 – 2022 வேளாண் துறைக்கான பட்ஜெட் அறிவிப்பின்போது அறிவிக்கப்பட்ட அறிவிப்பினை அடுத்து, வேளாண் சந்தை மற்றும் வேளாண் தொழில்துறை இயக்குனரகத்தின்கீழ் செயல்பட்டு வரும் உழவர் உற்பத்தியாளர்கள் அமைப்பினால் (FPOs) கொள்முதல் செய்யப்படும் சிறுதானிய அரிசி வகைகளான கேழ்வரகு, கம்பு, தினை, குதிரைவாலி, சாமை, வரகு ஆகியவற்றை சென்னை மற்றும் கோயம்புத்தூர் மாநகரங்களில் கூட்டுறவுத்துறை/தமிழ்நாடு நுகர்பொருள் வாணிபக் கழகத்தால் நடத்தப்படும் தேர்ந்தெடுக்கப்பட்ட நியாயவிலைக் கடைகள் மூலம் விற்பனை செய்யப்படுகிறது.
தமிழகத்திலுள்ள புலம் பெயர்ந்த தொழிலாளர்கள், விடுதிகளில் வசிப்பவர்கள், தெருவோர வியாபாரிகள் மற்றும் தள்ளு வண்டி வியாபாரிகள், கூட்டுறவு சங்கங்களால் நடத்தப்படும் நியாய விலைக் கடைகளில் IOC/BPCL/HPCL நிறுவனங்கள் வகுத்துள்ள பாதுகாப்பு நிபந்தனைகளின்படி, முகவரிச் சான்று (Address Proof) இல்லாமல், அரசால் அங்கீகரிக்கப்பட்ட அடையாள அட்டையை (Identity Card) மட்டும் சமர்ப்பித்து சிலிண்டர்களைப் பெற முடியும். கூட்டுறவு LPG விநியோகஸ்தர்கள் 5 கிலோ /2 கிலோ LPG - FTL சிலிண்டர்களின் விற்பனையைத் தொடங்க அனுமதிக்கப்பட்டுள்ளனர்.
நியாய விலைக் கடைகளில் குடும்ப அட்டைதாரர்களுக்குச் சிறந்த சேவையை வழங்கும் நோக்கில், கூட்டுறவுத் துறையின் கீழ் செயல்படும் நியாயவிலைக் கடைகளுக்கு தரக்கட்டுப்பாடு தொடர்பான (Quality Management System) ISO:9001 தரச்சான்றிதழும், Security in Supply Chain Management and Storage-க்கான ISO:28000 தரச்சான்றிதழும் பெற நடவடிக்கை எடுக்கப்பட்டுள்ளது.
75 வது சுதந்திர தினத்தை பிரதிபலிக்கும் வகையில் (Azadi Ka Amrit Mahotsav) ஒவ்வொரு மாவட்டத்திலும், 75 நியாயவிலைக் கடைகளை தேர்ந்தெடுத்து முன்மாதிரி நியாயவிலைக் கடைகளாக மாற்ற நடவடிக்கைகள் மேற்கொள்ளப்பட்டு வருகின்றன. நாளது தேதியில் 2849 நியாயவிலைக் கடைகள் பொலிவூட்டப்பட்டு, முன்மாதிரி நியாயவிலைக்கடைகளாக மாற்றப்பட்டுள்ளன.
31.12.2022 நாளது வரையிலான கூட்டுறவு சங்கங்கள் மூலம் நடத்தப்படும் 33,609 நியாயவிலைக்கடைகளின் கட்டட விவரம் பின்வருமாறு:-
| வரிசை எண் | விவரம் | நியாயவிலைக்கடைகளின் எண்ணிக்கை |
|---|---|---|
| 1 | சொந்த கட்டிடம் | 3,395 |
| 2 | அரசாங்கக் கட்டிடம் | 17,320 |
| 3 | வாடகை இல்லா கட்டிடம் | 5,873 |
| 4 | வாடகைக் கட்டிடம் | 7,021 |
| 5 | மொத்தம் | 33,609 |
மாண்புமிகு பாராளுமன்ற மற்றும் சட்டமன்ற உறுப்பினர்களால், ஒதுக்கீடு செய்யப்படும் பாராளுமன்ற மற்றும் சட்டமன்ற உறுப்பினர் தொகுதி மேம்பாட்டு நிதியின் மூலம் பல்வேறு கட்டங்களாக நியாயவிலைக் கடைகளுக்கு சொந்த கட்டடங்கள் கட்டுவதற்கு நடவடிக்கை மேற்கொள்ளப்பட்டு வருகிறது. கடந்த எட்டு ஆண்டுகளில் 1,044 நியாயவிலைக்கடைகளுக்கு புதிய கட்டடங்கள் கட்டப்பட்டுள்ளன. 2022-23 ஆம் ஆண்டில் 31.12.2022 வரையில் 44 நியாயவிலைக் கடைகளுக்கு புதிய கட்டடங்கள் கட்டப்பட்டுள்ளன.
வாடகை கட்டடங்களில் செயல்படும் நியாயவிலைக் கடைகளுக்கு புதிய கட்டடங்கள் கட்டுவது தொடர்பாக இதுவரை 6,970 நியாயவிலைக் கடைகள் அடையாளம் காணப்பட்டுள்ளன. 500 குடும்ப அட்டைகளுக்கு குறைவாக உள்ள நியாய விலைக் கடைகளுக்கு 440 சதுர அடி பரப்பில் ரூ.7.00 இலட்சம் மதிப்பீட்டிலும், 500 குடும்ப அட்டைகளுக்கு மேல் உள்ள கடைகளுக்கு 550 சதுர அடி பரப்பில் ரூ.10.00 இலட்சம் மதிப்பீட்டிலும் புதிய கட்டடங்கள் கட்டுவதற்கு இரண்டு கட்டிட வடிவமைப்புகள் (Type design) அரசால் அங்கீகரிக்கப்பட்டு ஒப்புதல் அளிக்கப்பட்டுள்ளன. மொத்தமுள்ள 986 இடங்களில், 615 இடங்களுக்கு அனுமதியின் பேரில் உள்ளிடவும் (Enter upon permission) 378 இடங்களுக்கு நிர்வாக அனுமதியும் (Administrative Sanction) சம்மந்தப்பட்ட மாவட்ட ஆட்சியர்களால் அளிக்கப்பட்டுள்ளது.204 இடங்களில் கட்டுமானப் பணி தொடங்கப்பட்டு பல்வேறு நிலைகளில் கட்டடங்கள் கட்டப்பட்டு வருகின்றன. இதுவரை மொத்தம் 19 நியாய விலைக்கடைகளுக்கு கட்டடம் முழுவதுமாக கட்டி முடிக்கப்பட்டுள்ளது.
தமிழ்நாடு முழுவதும் 892 நியாயவிலைக் கடைகள் திறக்கப்பட்டுள்ளன. முக்கிய நகரங்கள், மாவட்ட தலைமையிடங்கள், வட்ட தலைமையிடங்கள் மற்றும் நகராட்சி பகுதிகளில் உள்ள தேர்ந்தெடுக்கப்பட்ட நியாயவிலைக் கடைகளில் பொதுவிநியோகத்திட்ட அத்தியாவசியப் பொருட்களுடன், குடும்ப அட்டைதாரர்களின் மாதாந்திர தேவைகளான மளிகைப் பொருட்கள், எண்ணெய் வகைகள் ஆகிய அனைத்தையும் ஒரே இடத்தில் பெற்றுக் கொள்ளும் வகையில் அம்மா சிறு கூட்டுறவு சிறப்பங்காடிகள் திறக்கப்பட்டு செயல்பட்டு வருகின்றன.
அம்மா சிறு கூட்டுறவு சிறப்பங்காடியில் 300 வகையான கட்டுப்பாடற்ற பொருட்கள் பொதுமக்களுக்கு அதிகபட்ச சில்லறை விலையில் இருந்து(MRP),5%-க்கு குறைவாக விற்பனை செய்யப்பட்டு வருகிறது. மேலும், தரமான பொருட்களை நியாயமான விலையில் ஒரே இடத்தில் பெறுவதற்கு அம்மா சிறு கூட்டுறவு சிறப்பங்காடிகள் பயன்படுவதோடு, இதனால் ஏழை எளிய மக்களின் வாங்கும் திறன் அதிகரிக்கப்படுகிறது மற்றும் வெளிச்சந்தையில் பொருட்களின் விலையை கட்டுப்படுத்துவதற்கும் உதவுகிறது.
அம்மா சிறு கூட்டுறவு சிறப்பங்காடிகள் அனைத்திலும், இதர பொருட்களுடன் ஈரோடு வேளாண்மை உற்பத்தியாளர்கள் கூட்டுறவு விற்பனை சங்கத் தயாரிப்புகளான “மங்களம் மஞ்சள் தூள், மசாலா தூள் மற்றும் குங்குமம்" போன்ற பொருட்களும், திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின் தயாரிப்புகளான “அர்த்தநாரீஸ்வரா பிராண்ட் அரிசி, உளுந்தம்பருப்பு, நல்லெண்ணெய், கடலை எண்ணெய் மற்றும் தேங்காய் எண்ணெய்" ஆகிய பொருட்களும், பெருந்துறை வேளாண்மை உற்பத்தியாளர்கள் கூட்டுறவு விற்பனை சங்கத் தயாரிப்புகளான “பசுமை பிராண்ட் நல்லெண்ணெய் மற்றும் தேங்காய் எண்ணெய்" போன்றவையும், மலைவாழ் மக்கள் பெரும்பலநோக்கு கூட்டுறவுச் சங்கங்கள் தயாரிக்கும் “சிறுதானியங்களான வரகு, சாமை, தினை" மற்றும் இதர வேளாண்மை உற்பத்தியாளர் கூட்டுறவு சங்கங்களால் கொள்முதல் செய்யப்படும் “ஏலக்காய், மிளகு, வெல்லம், புளி" போன்ற பொருட்களும் விற்பனை செய்யப்படுகின்றன.
அம்மா சிறு கூட்டுறவு சிறப்பங்காடிகள் மூலம் கடந்த ஆண்டுகளில் கட்டுப்பாடற்ற பொருட்கள் ரூ.20 கோடி அளவிற்கு விற்பனை செய்யப்பட்டுள்ளன.
| வ.எண். | வருடம் | விற்பனை தொகை (ரூபாயில்) |
|---|---|---|
| 1 | 2018-19 | 3,66,94,994 |
| 2 | 2019-20 | 20,13,97,886 |
| 3 | 2020-21 | 63,36,84,213 |
| 4 | 2021-22 | 81,27,65,384 |
| 5 | 2022-23 (upto 31.12.2022) | 23,80,76,740 |
தமிழகம் முழுவதும், கொரோனா நோய்த் தொற்றை கட்டுக்குள் வைத்திருக்கும் வகையில் பொது முடக்கம் நீட்டிப்பு செய்யப்பட்ட போது பொதுமக்களின் சிரமத்தைக் குறைக்கும் வகையில் 14 வகை மளிகைப் பொருட்கள் அடங்கிய தொகுப்பானது 2,07,70,332 அரிசி குடும்ப அட்டைதாரர்களுக்கு நியாயவிலைக்கடைகள் மூலம் 2021 ஜுன் மாதம் முதல் 2021 ஜுலை மாதம் வரை வழங்கப்பட்டுள்ளது.
கோவிட்-19 பெருந்தொற்று காலத்தில், சமூக விலகல் விதிமுறைகளுக்குட்பட்டு, குடும்ப அட்டைதாரர்களுக்கு எந்த தேதி மற்றும் நேரத்தில் அத்தியாவசியப் பொருட்கள் வழங்கப்படும் என்பதை குறிப்பிட்டு நியாயவிலைக் கடை ஊழியர்கள் மூலம் டோக்கன்கள் விநியோகம் செய்யப்பட்டன. நியாய விலைக் கடை ஊழியர்களை கோவிட் 19 பெருந்தொற்றிலிருந்து பாதுகாக்க, ஒவ்வொரு நியாய விலைக் கடை ஊழியருக்கும் தலா ரூ.60/- மதிப்புள்ள தலா 3 முகக்கவசங்கள் வழங்கப்பட்டன.
நியாயவிலைக் கடை ஊழியர்கள் பொதுமக்களுக்கு அத்தியாவசியப் பொருட்களை விநியோகம் செய்யவும், குடும்ப அட்டைதாரர்களுக்கு கொரோனா நிவாரண நிதி விநியோகம் செய்யவும், குடும்ப அட்டைதாரர்களின் வீடுகளுக்கே சென்று டோக்கன் விநியோகம் செய்யவும் மற்றும் கோவிட்-19 நோய்க் கட்டுப்பாட்டு மண்டலங்களில் உள்ள குடும்ப அட்டைதாரர்களுக்கு அத்தியாவசியப் பொருட்களை விநியோகம் செய்யவும் செல்லும்போது அவர்கள் இப்பெருந்தொற்றால் பாதிப்படையக் கூடிய வாய்ப்பு மிகவும் அதிகம் என்பதால், அவர்களின் சேவையின் தன்மையை கருத்தில் கொண்டு பின்வரும் நிவாரண நடவடிக்கைகளை மேற்கொள்ள அரசு உத்தரவிட்டது.
ஸ்கிரீன் ரீடர் 
சமூக விலகல் :